Ազնվամորու հոտն օգնում է նիհարել

Հաշվի առնելով այն փաստը, որ Ամանորն ու դրան հաջորդող մի քանի օրերն «ամենավտանգավորն» են կազմվածքի համար և միանաշանակ նպաստում են քաշի ավելացմանը, շատերն արդեն «ահով» սկսել են մտածել նիհարելու և կազմվածքի նրբագեղությունը վերադարձնելու բազմաթիվ տարբերակների շուրջ, գրում է Daily Mail-ը։

Պարբերականը նշում է, որ տանջալի մարզումներից և տհաճ դիետաներից զատ կա քաշի նվազեցման ավելի հաճելի տարբերակ։ Պարզվում է՝  ազնվամորու հոտը՝ մասնավորապես հատապտղի բաղադրության մեջ գտնվող բուրումնավետ կենտոնները (օրգանիկ նյութեր) օգնում են  նիհարել։

Բանն այն է, որ կենտոնները զգալի ավելացնում են ադիպոնեկտին կոչվող հորմոնի քանակն օրգանիզմում, որն իր հերթին կարգավորում է նյութափոխանակությունը։ Որքան շատ է այս հորմոնի պարունակությունը օրգանիզմի մեջ, այնքան ավելի քիչ ճարպեր են կուտակվում։

Հարցեր, պատասխաններ, մեկնաբանություններ